Të dyja skuadrat vinin nga fitoret në xhiron e kaluar, ku Peja e kishte mposhtur Kosovën (98-71), ndërsa Sigal Prishtina e kishte mundur Bashkimin (75-59).
Vendasit luajtën më mirë dhe u duk se do ta fitonin me lehtësi ndeshjen, mirëpo kah fundi gjërat u dramatizuan. Basketbollistët e Pejës nuk u treguan të vëmendshëm dhe për pak sa nuk e dërguan sfidën në vazhdime.
Megjithatë, mysafirët nuk arritën që të tregoheshin efikas në të gjitha rastet që patën, ashtu që dolën të mposhtur.
Pas këtij derbi, Peja është në vend të tretë në tabelë me 35 pikë, ndërsa Sigal Prishtina kryeson me 41 pikë. /Telegrafi/