Peja ka shënuar fitoren e tretë të stinorit në Superligë sonte, duke e mposhtur me 20 pikë dallim Kerasan Prishtinën në Karagaç.
Verdhezinjtë kanë qenë dukshëm më të mirë në pjesë të parë të ndeshjes ndaj ekipit nga kryeqyteti dhe kanë krijuar dallim, që nuk është arritur të thyhet në
pjesë të dytë nga mysafirët.
Pesë basketbollistë të Pejës kanë shënuar pikë dyshifrore sonte, ndërsa më efikasi ka qenë Arti Hajdari me 25, e pas tij janë renditur: Arian Qallaku me 21, Beq
Kovaçi me 16 Leonard Mekaj me 12 dhe Rron Ukaj me 10 të tjera.
Në anën tjetër, te Kerasani, Kujtim Ujkani shënoi 15 pikë e Gent Shala 13 të tjera, në humbjen e pestë të stinorit për ekipin.
Pas kësaj ndeshjeje, Peja ka bilanc 3-4 në Superligë, ndërsa Kerasani 2-5.
Xhiron që vjen, Peja pret Trepçën e përforcuar në Karagaç, ndërsa Kerasani udhëton drejt Suharekës për ndeshje ndaj Yllit. /borozani/