Ballafaqimi i rivalëve të përbetuar ka nisur me një koreografi fantastike të krijuar nga Plisat, të cilët pikërisht sonte (e diel) kremtuan 25 vjetorin e themelimit të tyre.
Periudha e parë ishte dominuese nga skuadra pejanë, e cila falë lojës së mrekullueshme të dyshes, Dardan Berisha – Samir Shatahoviq, ia doli që çerekun e parë ta mbyll me shtatë pikë epërsi (15-22).
Lojë e fortë është zhvilluar edhe në çerekun e dytë. Kryeqytetasit këtë periudhe e nisën mjaft mirë lojën jo vetëm duke barazuar rezultatin, por edhe duke kaluar në epërsi prej 25-24, megjithatë, pejanët të prirë nga ylli i tyre, Berisha, sërish rikthyen avantazhin në dobi të tyre pikërisht falë Berishës, i cili brenda 20 minutave shënoi 27 pikë. Siç transmeton Kosovapress, në minutën e fundit të këtij çereku pejanët bën disa gabime, të cilat i shfrytëzuan prishtinasit duke shkuar në pushim me një pikë epërsi (31-30).
Rivalitet i fortë në parket është zhvilluar edhe në çerekun e tretë nga basketbollistët e të dy skuadrave. Bardhekaltrit në pesë minutëshin e fundit të kësaj periudhe shfrytëzuan mjaft mirë gabimet e mysafirëve, sidomos në repartin e sulmit, dhe ia dolën që këtë periudhe të mbyllin me gjashtë pikë epërsi (50-44).
Basketbollistët e Sigal Prishtinës me lojë dhe angazhim maksimal vazhduan edhe dhjetëminutëshin e fundit. Prishtinasit në këtë çerek shkelën në tërësi ekipin pejan duke krijuar avantazhin në 12 pikë epërsi 57-47. Gabimet e njëpasnjëshme të Pejës bënë që skuadra e Arben Krasniqi të dominojë plotësisht në çerekun e fundit.
Përfundimisht Sigal Prishtina mund Pejën me rezultat 66-59.
Sigal Prishtina me këtë fitore bën hapin e madh në rrugën drejt majave të tabelës, ndërkohë, Peja pësoi humbjen e parë në këtë kampionat. Kjo ndeshje është përcjellë nga afër edhe nga presidenti i AIBA-s, Ching Kuo Wu, i cili është duke vizituar vendin tonë.
Rezultatet e xhiros së nëntë të BKT Superligës:
Sigal Prishtina-Peja 66-59
Sigkos Bashkimi-Drita 100-75
Vëllaznimi-RTV 21 78-82
Trepça-Kosova 94-65
Tabela
/Telegrafi/