Telegrafi

Peja fiton ndeshjen për vendin e tretë në Ligën Ballkanike

Peja e ka fituar ndeshjen për vend të tretë në Ligën Ballkanike duke mposhtur Lovcenin e Malit të Zi me rezultatin 93:82.

Peja çerekun e parë e fitoi me rezultatin 31:21, ndërsa periudha e dytë u mbyll baras, 19:19.

Edhe çerekun e tretë, kampionia në fuqi e Kosovës e fitoi 23:21, kurse 20:21 ishin shifrat e dhjetë minutëshit të fundit në të mirë të Lovcenit.

Justin Davis ishte i pandalshëm në fitoren e Pejës me 34 pikë, dhjetë kërcime e tri asistime.

Deandre Davis realizoi 15 pikë, Larry Thomas 14 pikë, kurse Arian Qallakaj kontribuoi me 12 pikë.

Katër minuta e gjysmë para fundit të gjithë ballafaqimit pati edhe incident mes lojtarëve.

Pas disa minutash loja vazhdoi, ndërsa Peja fitoi në fund. /Telegrafi/