Ministri i Bujqësisë, Pylltarisë dhe Zhvillimit Rural, Faton Peci gjatë seancës së sotme të Kuvendit të Kosovës ka thënë se shpallja për subvencione do të definohet pasi të rishikohet buxheti.
“A do të kemi shpalle apo jo për subvencione për vitin 2021 do të definohet pasi të aprovohet rishikimi i buxhetit nga Kuvendi i Kosovës”, tha Peci.
Ai duke iu përgjigjur pyetjes së deputetit së Partisë Demokratike të Kosovës, Hajdar Beqaj lidhur me vazhdimin e subvencionimeve, ai tha se nuk do t’ua vazhdon pagesën atyre që kanë keqpërdorur.
“Nëse ka paralajmërime se për një fermer nga shifra prej 170 mijë euro që është dashur të ishte përfitues, 120 mijë euro kanë përfunduar në xhepat e zyrtarëve të ministrisë, unë nuk jam i interesuar që të njëjtin këst t’ua vazhdoj keqbërësve”, tha Peci. /Telegrafi/
