Rok grupi amerikan, “Pearl Jam”, pas një pauze pesëvjeçare e ka publikuar këngën e re me titull “Can’t Deny Me”.
Këngën fillimisht e kanë dëgjuar anëtarët zyrtar të grupit në Ten Club dhe pastaj kënga është shpërndarë përmes rrjetit social Twitter, ku mund ta dëgjoni vetëm 30 sekonda.
Pjesa tjetër e këngës është dispozicion vetëm për klubin e fansave të vërtetë të “Pearl Jam”.
Revista Rolling Stone njofton se “Can’t Deny Me” është një këngë proteste, e cila përmban kritika kundrejt presidentit amerikan, Donald Trump.
“Mund të jesh i pasur, por nuk mund të më mohosh. Nuk kam asgjë, por dëshirën për të mbijetuar. Vendi të cilin po e përfaqëson është në gjendje kritike”, janë disa nga vargjet e këngës.
#CantDenyMe. #PearlJam pic.twitter.com/BeEtn8Flr2
— Pearl Jam (@PearlJam) March 10, 2018
“Can’t Deny Me” është kënga e parë e “Pearl Jam” që vjen pas albumit të tyre të dhjetë, “Lightning Bolt”, i cili u lansua në vitin 2013.
“Pearl Jam” është një grup nga Seattle që me stilin unik, vokalistin me një zë tejet karakteristik, Eddie Vedder, arritën t’ua rrëmbejnë zemrat miliona adhuruesve të muzikës rok nga e mbarë bota.
Për suksesin e këtij grupi tregojnë më së miri çmimet e shumta dhe hitet, si “Jeremy”, “Alive”, “Even Floë”, “Porch” dhe “Black”. /Telegrafi/