Partia Demokratike Shqiptare (PDSH), ka reaguar në një komunikatë për Telegrafi Maqedoni në lidhje me shantazhet, frikësimet dhe kërcënimet që u bëhen shqiptarëve të Maqedonisë në vendin ku punojnë.
‘Kohëve të fundit në PDSH kanë mbërritur me qindra ankesa nga qytetarë që kanë të bëjnë me kërcënime për shkarkime nga puna, raste korrupsioni, ndërprerje të energjisë elektrike si dhe ankesa për gjoba, taksa dhe tatime të mëdha të shqiptuara nga ana e institucioneve shtetërore, si dhe trajta tjera keqpërdorimit të institucioneve shtetërore me qëllim ushtrimin e presionit ndaj qytetarëve për qëllime politike.
Frikësimi, kërcënimet dhe shantazhet ndaj qytetarëve vazhdojnë të ngelin shqetësim njëjtë sikurse edhe partizimi dhe politizimi i skajshëm i institucioneve. PDSH në asnjë mënyrë nuk mund të toleroje frikësimin e qytetarëve, aq më pak kur kjo bëhet për qëllime politike’, siç thuhet nga departamenti për Informim i PDSH-së. /Telegrafi/