Partia Demokratike e Kosovës (PDK), ka reaguar nëpërmjet komunikate për media, se në qeverisjen e Shpend Ahmetit është bërë e pamundur të gjejnë një vend pune, pasi komuna e Prishtinës sipas tyre është e stërmbushur me militantë të Vetëvendosjes.
PDK thotë se në punësimet e tyre nuk ka kriter cilësie mirëpo kriteri i vetëm është ai politik si dhe gatishmëria e tyre që t’i shërbyer Vetëvendosjes. “Urbanizmi dhe kadastra tashmë janë pastruat nga shërbyesit tjerë civil, e mbushur me aktivistë të Vetëvendosjes”, u shpreh kryetarja e Gruas Demokratike në Kosovë, Fëllënza Pula.
Sipas PDK-së, afër 100 të punësuar të ri në komunën e Prishtinës janë militantë të kësaj partie. “Të tillë rekrutohen fillimisht duke bërë nënshkrime të kontratës mbi vepër”, tha Pula.
Sipas saj, pushteti i Vetëvendosjes në Prishtinës nuk mendon për rininë apo gruan prishtinase për ta punësuar, mirëpo mbledh militantët nga e gjithë Kosovë, duke e shndërruar kështu Prishtinën në qendër të Vetëvendosjes.
Gjithashtu Pula ka ngritur edhe një shqetësim tjetër sa i përket pushtetit lokal.
Të gjitha rrugët që kanë filluar së meremetuari si projekte investive, po kryhen pa projekte, pra vetëm me paramasa, e kryeqyteti s’e toleron këtë keqmenaxhim”, u shpreh Pula./Telegrafi/