“Kundërshtimi i fuqishëm menjëherë pas lajmit se në Lumbardhin e Pejës mund të ndërtohen hidrocentrale, u nis nga Dega e Partisë Demokratike në Pejë, duke sensibilizuar opinionin se ky projekt është i dëmshëm dhe plotësisht i paarsyeshëm”.
Kështu thuhet në një njoftim të PDK-së në Pejë, sipas të cilit, një nga format e kundërshtimit ishte edhe peticioni kundër ndërtimit të hidrocentraleve në Lumbardhin e Pejës.
“Mbledhja e nënshkrimeve nga qytetarët, kundër kësaj ideje për dëmtimin e perlës së Ballkanit, Grykës së Rugovës, ka vazhduar edhe sot. Nënshkrimi i peticionit nga qytetarët, do të vazhdojnë edhe ditëve në vijim, deri në shfuqizimin e plotë të këtij projekti të dëmshëm për komunën e Pejës dhe më gjerë. Deri më tani, peticionin e kanë nënshkruar mbi 6 mijë qytetarë”, thuhet në njoftimin e PDK-së në Pejë. /Telegrafi/