Edhe pse ishte vendosur të protestohet më 31 maj, PD-ja dhe opozita e bashkuar në Shqipëri e kanë shtyre protestën.
Ky ndryshimi i datës së protestës është bërë në respekt të Natës së Kadrit, e shtyrja më datë 2 bëhet edhe në respekt të Ditës së Fëmijëve.
“Nisur nga fakti qe data 31 Maj është Nate Kadri, në respekt te besimtareve myslimane; dhe nisur nga fakti qe data 1 Qershor është Dita e fëmijëve; Protesta kombëtare do të mbahet më datë 2 qershor 2019, ora 19.00, përpara Kryeministrisë”, thuhet në njoftim.
Kujtojmë se kryeministri Edi Rama ka vendosur 1 qershorin si ditën e çeljen e fushatës elektorale nga PS, datë e vendosur pasi opozita paralajmëroi 31 majin si ditën e protestës, datë që përkon edhe me hapjen zyrtare të fushatës elektorale për zgjedhjet e 30 qershorit në një periudhë normale politike. /Telegrafi/