Në miqësoren e zhvilluar në Nantes, nikoqiri i Euro2016 shënoi fitore me rezultat 3-2 ndaj skuadrës së Kamerunit.
Golat për kundërshtarin e Shqipërisë në grupin A u shënuan nga Matuidi, Giroud dhe Payet.
Ky i dyti shënoi një super gol pas një asistimi fenomenal nga Paul Pogba ndërsa goli i Payet erdhi nga goditja e dënimit pak çaste para fundit të takimit.
Për mysafirët nga Kameruni golat u shënuan nga Aboubakar dhe Choupo-Moting.
Kjo është miqësorja e parafundit e Francës para fillimit të kampionatit. Miqësoren e fundit ata e luajnë të shtunën e ardhshme ndaj Skocisë.