Chris Rock zbuloi se është infektuar me coronavirus në një mesazh që u bëri thirrje ndjekësve të tij që të vaksinohen.
Komediani, 56-vjeçar, bëri një postim në rrjete sociale të dielën duke treguar se ka rezultuar pozitiv me COVID-19 dhe i inkurajoi të gjithë që ta marrin vaksinën.
“Hej njerëz sapo zbulova që jam infektuar me COVID-19 , më besoni që nuk e dëshironi këtë. Vaksinohuni”, shkroi Rock.
Hey guys I just found out I have COVID, trust me you don’t want this. Get vaccinated.
— Chris Rock (@chrisrock) September 19, 2021
Ylli nuk hyri në detaje për të rrëfyer se si po ndihet, por duke pasur parasysh paralajmërimin e tmerrshëm që ai u dha fansave, duket se të paktën po përjeton një lloj shqetësimi.
Diagnoza e coronavirusit të Rock vjen pasi ylli ka marrë të dy dozat e vaksinës kundrejt virusit vdekjeprurës.
Sipas studimeve, vaksinat me dy doza COVID-19 nga Pfizer dhe Moderna ishin rreth 95% efektive në parandalimin e sëmundjeve. Pra, edhe pse vaksinat janë shumë të mira për të na mbrojtur nga virusi, është ende e mundur të infektohemi me simptoma të lehta ose pa simptoma, apo edhe të sëmuremi më shumë.
Nëse përfundimisht sëmureni pavarësisht vaksinimit, problemet e simptomat thuhet se janë më të lehta. /Telegrafi/