Telegrafi

Pavarësia e Kosovës është mrekulli e llojit të mrekullive që i përmendin librat e shenjtë!

Ka kohë që mundohem të gjejë ndonjë shenjë, ndonjë sinjal apo ndonjë formë paralajmërimi në Kuran në lidhje me pavarësinë e Kosovës, në lidhje me bombardimet e NATO-s dhe fitoren e shqiptarëve fill pas kësaj. Dhe, me sa duket e kam gjetur. Në rastin e Kosovës asgjë nuk është krejt normale, asgjë sikur gjithkund, përveç përpjekjes dhe vullnetit të hekurt të shqiptarëve për fitore.

Në rastin e Kosovës, as vizionarët më të mprehur të kohës nuk kanë mund të paramendojnë se një ditë bota do të bëhet tok që do tu del në krah shqiptarëve, në kohën, pra, kur Serbia dhe serbët e Millosheviqit kishin vendosur t’i qitnin shqiptarët në det.

Ishte ne planin e tyre t’i vrisnin shqiptarët e t’i zhduknin në mënyrën më poshtëruese të mundshme.
Gjithashtu, kurrkush nuk ka mund të parashikonte se një ditë aeroplanët ushtarak të botës demokratike perëndimore do të ngritën nga Aviano e Italisë e do ta sulmojnë Beogradin e shumë vende tjera të Serbisë. Bombat e vendeve perëndimore me shumicë të krishtera dërmojnë Serbinë e Millosheviqit në favor të Kosovës me popullsi shqiptare shumicë myslimane.

As optimistët më të mëdhenj në botë nuk kanë mund ta imagjinojnë një fitore kaq të madhe të Kosovës, pavarësinë e saj.

E unë personalisht mendoj se kjo nuk është krejt normale, është një mrekulli e vërtetë, e ngjashme me ato të profetëve të kaluar që i përmendin Librat e Shenjt. Raste të këtilla vështirë të ndodhin dy herë.

Thjeshtë, fitorja e Kosovës, pavarësia e saj dhe triumfi i shqiptarëve nuk janë dhe nuk mund të jenë fryt vetëm i përpjekjeve të një populli që shumë gjatë luftoi për liri, sado që ai popull të ketë vullnetin e fortë për fitore, sado që ai popull të ketë dhënë viktima.

Fitorja e Kosovës dhe pavarësia e saj, para së gjithash, është ndërhyrje e drejtpërdrejtë e Zotit të Madhërishëm.

Është mrekulli e llojit të vetë.

Shumë duhet ta falënderojmë Zotin për këtë të mirë.

Duhet gjithsesi dhe përjetë t’u jemi mirënjohës vëllezërve dhe miqve tanë…!