Barcelona ka fituar ndaj Eibarit me rezultat 6-1, ndërsa paraqitja e Paulinhos ishte shumë e mirë sa që në Camp Nou, u prit me ovacione.
Ai shënoi gol dhe ishte ndër më të mirët në fushë.
Braziliani 29 vjeçar nuk ishte pritur mirë fillimisht pasi që në Ligën Premier me Tottenham Hotspurit kishte dështuar.
“Jam shumë i lumtur se si jam pritur te Barcelona”.
“Të luash me shumë lojtarë të mëdhenj të bënë të lumtur dhe është e lëhtë të adaptohesh”.
“Jam i lumtur me afërsinë që të gjithë kanë treguar ndaj meje dhe unë mund tua ktheje këtë duke luajtur mirë dhe duke ndihmuar bashkëlojtarët për të arritur objektivat tonë”.
Paulinho foli edhe për Lionel Messin që shënoi katër gola në këtë ndeshje.
“Është speciale të luash me lojtarin më të mirë në botë”, ka thënë Paulinho. /Telegrafi/