Besoni apo jo, vetëm një klub tregoi interes për të nënshkruar me Paul Scholes gjatë karrierës së tij të shkëlqyer në Manchester United.
Pasi bëri debutimin e tij me ekipin e parë në një ndeshje të Kupës së Ligës kundër Port Vale, mesfushori i lindur në Salford do të vazhdonte të bënte mbi 700 paraqitje për klubin e tij të fëmijërisë.
Scholes, i cili gjithashtu bëri 66 paraqitje për vendin e tij, fitoi 25 trofe midis 1993 dhe 2013, duke përfshirë 11 tituj të Ligës Premier, dy Liga të Kampionëve dhe katër Kupa FA.
Ai u vlerësua si një nga lojtarët më të respektuar të Evropës, veçanërisht në fund të viteve ’90 dhe në fillim të viteve 2000.
Në fakt, gjigantët italianë të Interit shprehën interesin e tyre për ta sjellë atë në San Siro në vitin 2000, megjithëse bisedimet nuk patën asnjëherë rezultat.
Duke folur për BBC Radio, Scholes shpjegoi: “Unë kurrë nuk u njoftova se ndonjë ekip po interesohej për mua, por pata një telefonatë nga agjenti i vjetër Bryan Robson”.
“Ai më telefonoi kur ishim larg në Euro 2000 për të më pyetur nëse do të isha i interesuar të shkoja në Inter, por kjo ishte e vetmja telefonatë që kam pasur ndonjëherë”.
Unë kurrë nuk kam dëgjuar asgjë pas kësaj dhe menaxheri nuk më tha asgjë. Unë isha duke luajtur në klubin tim të fëmijërisë, isha një djalë i Mançesterit, ne po fitonim trofe gjatë gjithë kohës”, vazhdoi Scholes.
“Nëse menaxheri do të më thoshte se nuk do më donte, unë patjetër do të kisha shkuar nëse do të kishte një klub të madh jashtë vendit që më donte, por nuk do të ishte kurrë nevoja të mendoja ndonjëherë për Barcelonën, Real Madridin apo Milanin. Unë isha tashmë në klubin më të madh në botë”, përfundoi Scholes.
Një shumë transferimi prej rreth 31 milionë funte u përfol në atë kohë, por United nuk ishte i gatshëm të ndahej me një nga lojtarët e tyre kryesor dhe pjesa tjetër, siç thonë ata, është histori.
Scholes më vonë tha se fakti që nuk ka fituar më shumë Liga të Kampionëve gjatë karrierës së tij, është diçka që i ka mbetur peng./Telegrafi/