Ish-sulmuesi i Manchester United, Louis Saha, ka shprehur dëshirën e tij për ta parë Paul Pogba sërish me fanellën e “Djajve të Kuq”.
“Nëse Paul Pogba është i disponueshëm, do të doja ta shihja përsëri te Manchester United”, deklaroi ai.
“Kur është në formë dhe në ritmin e tij më të mirë, ai mund të hyjë menjëherë në ekip dhe të bëhet një nga lojtarët më të mirë. Kaq i mirë është ai”.
“Janë vetëm disa lojtarë që më emocionojnë vërtet. Amad Diallo më emocionon. Pogba më emocionon”.
“Ka shumë pak lojtarë në botë që mund të bëjnë atë që bën Paul Pogba. Është kaq e thjeshtë, dhe kjo është arsyeja pse do të doja ta shihja të shkruante një kapitull të ri me Manchester United”, ka shtuar më tej Saha.
Pogba aktualisht po përballet me një pezullim për shkak të një çështjeje dopingu, por Saha beson se rikthimi i tij te United mund të ishte një lëvizje e madhe për klubin dhe për vetë lojtarin. /Telegrafi/