Paul McCartney i fali fotografitë e gruas së tij të ndjerë një muzeu në Londër.
Midis fotografive janë portretet e anëtarëve të bendeve The Beatles dhe Rolling Stone si dhe kitaristit të ndjerë Jimmy Hendrix, ku shihen disa prej momenteve private të familjes së tyre.
Linda McCarthy ishte një dëshmitare e periudhës së artë të muzikës Pop. Ajo studioi një numër të madh të fotografive dhe arriti të marr imazhe të disa prej momenteve më të bukura familjare, tha kuratori Martin Barnes.
Ai shtoi se i është mirënjohës muzikantit Sir Paul McCartney dhe familjes së tij për këtë dhuratë bujare.
Fotot e Linde McCartney, e shpallur si fotografja më e mirë amerikane e vitit 1967, do të jetë në gjendje të shihen nga 12 tetori në krahun e sapo hapur të Viktoria dhe Albert Photography Center.
Kujtojmë se McCartney u njoftua me gruan në klubin e natës të Londrës në vitin 1967, e cila atëbotë ishte e dashuruar me një mashkull tjetër dhe vitin e ardhshëm u bë fotografja e parë femër që gjendej në ballinën e revistës Rolling Stone.
Ndryshe, 75-vjeçari po vazhdon me koncert anembanë globit dhe ka paralajmëruar edhe një këngë të re. /Telegrafi/
