Zëvendës kryeministrja si dhe ministrja e Punëve të Jashtme dhe Diasporës, Donika Gërvalla ka bërë deklarimin e saj për pasurinë e paluajtshme dhe të luajtshme të cilat i posedon në Kosovë dhe në Gjermani.
Gërvalla në Agjencinë Kundër Korrupsionit ka deklaruar se në Kosovë ajo ka trashëguar truall me shtëpi banimi, sipërfaqja e së cilës është 3.964 metra katrorë, në vlerë prej 100.000 euro, ndërsa tokë pyjore në sipërfaqe prej 2.122 metra katrorë në vlerë prej 10.000 euro si dhe tokë bujqësore në sipërfaqe prej 6.085 mëtra katrorë, në vlerë prej 15.000 euro.
Ndërsa, pasuri të luajtshme ajo deklaron veturën e tipit “Toyota Avensis”, në vlerë prej 8.000 euro.
E sa i përket parave të gatshme, Gërvalla ka deklaruar se posedon 1.292 euro në RBK, ndërsa posedon 40 euro para të gatshme të fëmijëve në bankën Postbank në Bon të Gjermanisë, si dhe bashkëshorti i saj posedon 5.278 euro para të gatshme në bankën N26, në Gjermani.
Ndërkaq, si zëvendës kryeministre ajo paguhet 1.228.22 euro, ndërsa të ardhura vjetore në Gjermani në institucione gjyqësore i figurojnë në shumën prej 34.664.92 euro.
Ndërsa, mëditjet të cilat i figurojnë nga Qeveria e Kosovës ka 7.770.08 euro, dhe posedon 700 euro dhurata nga mysafirë ndërkombëtarë. /Telegrafi/