Modeli ES 350 që arrin më 2019 do të jetë shumë i rifreskuar, pa humbur dukjen sportive dhe nivelin e lartë të luksit.
Sistemi i sigurisë dhe lehtësia e vozitjes në këtë Lexus, do të rritet në masë të madhe me anë të Digital Outer Mirror, që do t’i zëvendësojë pasqyrat e zakonshme, transmeton Telegrafi.
Kamerat e teknologjisë së lartë, do të përfshijnë të dy anët e veturës si dhe pjesën ballore, ndërsa gjithçka do të transmetohet në një ekran përpara shoferit.
Teknologjia e lartë që është integruar në ES 350, i mundëson të merr pamje shumë më të kthjellëta, si dhe në largësi të konsiderueshme.
Për dallim prej pasqyrave të zakonshme, në të cilat nuk mund të shihet kur bie shi apo avullohen xhamat, këto kamera shfaqin pa problem ambientin e jashtëm.
Ngasësit e këtij Lexusi, do ta kenë më të lehtë kur iu afrohet ndonjë veturë me drita të gjata, pasi përmes këtyre kamerave do t’ju ulet niveli i shndritjes në masë të madhe. /Telegrafi/
