Një uragan i kategorisë 4 i quajtur Helene, një nga më të fortët e këtij shekulli, goditi Floridan.
Deri më tani nuk dihen pasojat pasi aty është natë dhe guvernatori ka bërë të ditur se më shumë do të dijë në mëngjes, transmeton Telegrafi.
Një banor i Floridës i tha CNN se mendonte se uragani nuk do të ishte serioz.
“Filloi shumë ngadalë dhe më pas, për shkak se unë jetoj pranë ujit, krejt papritur filloi dhe niveli i ujit vazhdoi të rritej dhe të rritej”, tha Heller për CNN.
Heller postoi një video në rrjetet sociale në të cilën mund të shihet duke lundruar nëpër dhomën e ndenjes me një kajak ngjyrë vjollce, ndërsa bimët, pajisjet dhe mobilet notojnë rreth tij.
“Ishte plani im i arratisjes nëse gjërat shkonin keq. Ne kemi dy kajakë. Nuk e prisja që të më duheshin në dhomën e ndenjjes”, tha ai.
Ai shtoi se në të kaluarën kishte përjetuar përmbytje në shtëpi, por kjo ishte përmbytja më e madhe që kishte përjetuar ndonjëherë.
Heller më vonë bëri shaka se ishte një burrë tipik nga Florida që kishte përballuar shumë stuhi gjatë gjithë jetës së tij. /Telegrafi/
Hurricane Helen Tampa Florida Matt Heller from Hornblasters.com house flooding