Mesfushori i Shqipërisë, Klaus Gjasula ka gjetur shumë shpejt skuadër, pasi pas largimit nga Paderborn, ai ka gjetur akordin me klubin e njohur, Hamburg.
Sipas mediumit gjerman “SPORT1”, mesfushori 30-vjeçar mund të transferohet me parametër zero tek skuadra e njohur gjermane, pasi nuk rinovoi kontratën me Paderbornin, klub që ra nga elita e futbollit gjerman.
Gjasat janë që Gjasula nënshkruajë një kontratë për dy vite me Hamburgun dhe ta ndihmojë ekipin për ngjitje në Bundesligë.
Lajmin për kalimin e Gjasulës te Hamburgu e konfirmon edhe “Bild.de”, që shkruan se mesfushori shqiptar, zbarkoi ditën e djeshme në Aeroportin e Hamburgut rreth orës 10 pasdite dhe përfundoi testet mjekësore në orën 8 të mëngjesit.
Për sa i përket sezonit që sapo lamë pas, Hamburgu u rendit në vendin e katërt, me një pikë më pak se Heidenhemi i vendit të tretë. /Telegrafi/