Eksperti i lojës së pokerit kishte shpërndarë në rrjetet sociale një video ku shihet duke ikur nga masakra që ndodhi të hënën mbrëma në Las Vegas, ku mbetën të vrarë 59 persona dhe mbi 500 tjerë u plagosën, shkruan The Sun.
I vetëshpalluri “Mbreti i Instagramit”, Dan Bilzerian është rikthyer në skenën e krimit ku ndodhi krimi më i rëndë në historinë e SHBA-ve, duke mbajtur në dorë një revole, pasi ishte kritikuar shumë për faktin se kishte ikur për ta shpëtuar kokën, transmeton Telegrafi.
Milioneri në videon e publikuar në profilin e tij në Instagram, dëgjohet duke thënë se po “rikthehet” në skenën e krimit ku kishte parë një vajzë duke u qëlluar me plumb në kokë shumë afër tij.
Ai ishte kritikuar nga një hero i luftës i cili e kishte cilësuar si “frikacak”, për faktin se kishte ikur nga festivali i muzikës country Route 91 ku ndodhi masakra.
Por, Bilzerian insiston se ai kishte shkuar në shtëpi “për ta marrë revolen që t’i kundërpërgjigjet sulmuesit”.
Dakota Meyes, burri i vajzës së ish-kandidates për zëvendëspresidente të SHBA-ve, Sarah Palin, Bristol, kishte kritikuar Bilzerianin që kishte ikur nga vendi i ngjarjes.
Veterani i dekoruar, që kishte shërbyer në Afganistan si pjesëtar i korpusit të marinsave amerikanë ka shkruar në Instagram: “Kjo është arsyeja pse fëmijët nuk duhet t’i klasifikojnë hero njerëzit në bazë të numrit të ndjekësve apo fotografive që po i postojnë”.
“Një grua qëllohet me plumb në kokë, ndërsa ju filloni të ikni nga skena e krimit. Kështu nuk do të reagonte një ushtar. Ju lutem që të mos pretendoni se jeni dikush kur në fakt nuk jeni. Kur dikush vdesë, nuk do të duhej të iknit por ta ndihmoni. Nuk është më e vlefshme videoja”, ka shtuar ai. /Telegrafi/
