Një elefant i vogël është ngrënë i gjallë nga disa hiena të egra ndërsa nëna e saj e pafuqishme u detyrua të vëzhgojë pasi të dy u ngecën në një gropë me baltë në fushat e Zimbabvesë.
Hienat shqyen këmbën e foshnjës ndërsa e sulmuan atë gjatë natës ndërsa nëna hodhi baltë mbi kokën e saj në një përpjekje të dëshpëruar për të trembur grabitqarët.
Por ajo ishte e pafuqishme për të shpëtuar foshnjën e saj, e cila u mbyt dhe u gllabërua nga hienat, transmeton Telegrafi.
Më pas edhe nëna e saj ngordhi ngadalë gjatë një përpjekje shpëtimi ndërsa shtrihej e bllokuar në baltën pranë kufomës së kalbur të foshnjës së saj në Parkun Kombëtar Mana Pools.
Skena marramendëse u kap nga fotografi i jetës së egër Jens Cullman, 50-vjeçari, nga Gjermania, i cili u kthye në këtë vend të paktën dy herë për të fotografuar gjendjen e nënës dhe foshnjës së pafuqishëm.
Ai bëri fotografitë e vuajtjeve të tyre pasi ishte një shans për të dokumentuar luftën e tyre.
“Është natyrale kjo që ndodh”, tha ai. “Është mbijetesa e më të fortit. Ishte shumë e vështirë për të bërë ato foto, por unë e pashë si një shans për t’i dokumentuar në një mënyrë”.
“Kam menduar për një kohë të gjatë për postimin ose jo sepse mendova se ata do të kenë mjaft ndikim tek shikuesi. Për mua është tronditëse. Fotografitë e afërta të foshnjës në baltë janë unike sepse është kaq e trishtueshme. “Ju e shihni këtë elefant të vogël të pafuqishëm dhe natyrisht e dija se do të vdiste sepse nuk mund ta ndihmoja vetë”, tha ai.
