Dy futbollistë të skuadrës së Vushtrrisë kanë shfaqur simptoma të coronavirusit, ashtu që i janë nënshtruar testit për COVID-19.
I kontaktuar nga Telegrafi, presidenti i klubit, Bajrush Kajtazi, ka pranuar se dy futbollistë kanë simptoma dhe se njëri prej tyre është në gjendje më të rëndë.
Temperatura dhe lodhja janë simptomat e shfaqur nga lojtarët, ndërkohë që varësisht nga rezultatet e testeve, do të ndërmerren edhe masat e mëtutjeshme.
“Dy futbollistët që janë me simptoma më të mëdha i kemi dërguar që ta bëjnë testin për coronavirus dhe tani po presim për rezultatet”.
“Fillimisht, të shohim se si janë rezultatet e këtyre futbollistëve, e më pas të testohen edhe futbollistët e tjerë e gjithë ekipi”.
“Njëri prej futbollistëve është në gjendje më të rëndë, pra ka simptoma më të mëdha, temperaturë e lodhje. Por, të presim rezultatet”, ka deklaruar Kajtazi. /Telegrafi/