Amir Abrashi ka shkëlqyer ditën e djeshme në Bundesliga.
Mesfushori i Kombëtares shqiptare ishte futbollisti më i mirë në fushë, në fitoren e Freiburgut 3-1 në udhëtim tek Werder Bremen.
Përpos aksioneve që ndalonte, Abrashi shënoi edhe golin e tretë për skuadrën e tij duke u shpallur në fund si futbollisti më i mirë i ndeshjes.
26-vjeçari nga Gjakova ka shkruar në faqen e tij zyrtare në Facebook, por është treguar shumë modest duke mos e përmendur golin e shënuar.
“Fitore shumë e rëndësishme në udhëtim tek Bremen. I lumtur me pikët e plota. Faleminderit tifozëve për mbështetjen”, shkroi Abrashi.
Pas nëntë javëve, Freiburg zë pozitën e tetë në tabelë me 15 pikë të grumbulluara. /Telegrafi/