Një grua që pozoi për një ‘selfie’ dhe pa dy figura misterioze në pasqyrimin e syzeve, ka grumbulluar qindra komente në rrjete sociale, në përpjekje për ta zbuluar se çfarë mund të jenë ato.
Sipas DailyMail, përcjell Telegrafi, Sara Medeiros, e cila jeton në Massachusetts, tregoi se si vuri re hijet ‘misterioze’ pasi pozoi për një fotografi me telefonin e saj.
Nëna e tre fëmijëve këmbënguli se ishte e vetme në shtëpi në kohën kur e bëri atë fotografi, dhe pas saj iu është thënë kinse ajo është lidhur me ‘shpirtrat dhe energjinë e errët’.
Duke ndarë pamje të imazhit, Sara deklaroi se është e pasigurt mbi atë që ka parë në reflektim. Mirëpo, fotografia e tmerroi atë, me këtë rast tema ngjalli debat nëse e njëjta kishte kapur ndonjë ‘fantazmë’ apo ndonjë ‘ndriçim të rrufesë’.
