Një grua nga Florida u befasua kur pa një mysafir të paftuar në banjën e saj të shtunën mbrëma.
Sipas mediave të huaja, përcjell Telegrafi, Michelle Reynolds tha se ajo zbriti në katin e poshtëm për t’i përgatitur vetes një meze të lehtë.
Pasi vendosi kokoshkat e saj në mikrovalë, ajo shkoi të përdorte banjën dhe “hapi derën dhe bëri një kthesë të shpejtë”.
“Sepse pashë një gjë atje dhe mbylla shpejt derën!”, ka rrëfyer ajo.
Por çfarë ishte ajo? Një hardhuce.
Zvarraniku nuk ishte në gjendje të gjente rrugën për të dalë kështu që Reynolds iu desh të angazhonte një shërbim për heqjen e kafshëve të egra, për të shpëtuar atë.
Kompania ka thënë se ka hequr disa të tilla nga pronat e Floridës Jugore këtë vit.
“Ky është i dyti këtë javë tashmë”.
Edhe pse nuk janë vendase, këto hardhuce janë bërë të zakonshme në Florida të Jugut, raporton WSVN.
Besohet se ata u sollën në zonë si kafshë shtëpiake në vitet 1960 dhe disa mund të kenë shpëtuar ose janë liruar.
Ndonëse nuk janë të rrezikshme për njerëzit, disa ato mund të transmetojnë salmonela-n. /Telegrafi/