Një pasagjere e një aeroplani të vogël mori kontrollin e tij dhe “ra” në një ishull të Massachusetts të shtunën pasi piloti pësoi një urgjencë mjekësore, tha policia.
Sipas mediave të huaja, përcjell Telegrafi, aksidenti ndodhi të shtunën pasdite pranë aeroportit Martha’s Vineyard në West Tisbury, Massachusetts.
Piloti mashkull 79-vjeçar pësoi emergjencë gjatë “afrimit përfundimtar” të aeroplanit, tha Policia e Shtetit të Massachusetts.
Policia e Shtetit tha se përplasja “rezultoi në një ulje të vështirë jashtë pistës që bëri që krahu i majtë i aeroplanit të thyhej në gjysmë”.
Passenger crash lands plane at Martha’s Vineyard Airport following pilot’s medical emergency https://t.co/Lk56BxsD5Q (via @TheMVTimes/📹: Jake Cleland) pic.twitter.com/hemShxQbL9
— Mike Saccone (@mikesacconetv) July 16, 2023
Autoritetet nuk përmendën emrat e asnjë personi në aeroplan dhe thanë se të dy u transportuan në spital.
Piloti më pas u dërgua në një spital të Bostonit në gjendje të rrezikshme për jetën ndërsa pasagjerja femër nuk ishte e lënduar dhe u lirua nga një spital lokal, tha policia.
Përplasja është duke u hetuar nga policia e shtetit, Bordi Kombëtar i Sigurisë së Transportit dhe Administrata Federale e Aviacionit. /Telegrafi/