Një pasagjer i dehur krijoi situatë kaotike gjatë një udhëtimi me aeroplan, duke “terrorizuar” pasagjerët e tjerë.
Ai kishte tentuar të futet me forcë në kabinën e pilotëve – duke i detyruar ata të bëjnë ulje emergjente, transmeton Telegrafi.
Aeroplani me numrin U28235 po udhëtonte nga aeroporti Gatwick i Londrës, dhe për destinacion kishte aeroportin Kos të Greqisë.
Fluturakja e tipit Airbus A320 po fluturonte nëpër disa turbulenca gjatë udhëtimit të planifikuar katër orësh, e pasagjerët patën telashe shtesë nga pasagjeri i dehur.
Pasagjeri kishte bërtitur vazhdimisht se piloti është “mbeturinë”, dhe se ishte nisur për ta marrë kontrollin e fluturakes që po fluturonte mbi 10 metra lartësi.
Duke parë tërë këtë situatë kaotike, piloti bëri ulje emergjente në aeroportin ndërkombëtarë të Mynihut, vetëm pas një orë e 44 minutave.
Aty është futur policia gjermane që e prangosën pasagjerin dhe e larguan nga fluturakja, derisa pasagjerët e tjerë duartrokasin për veprimin. /Telegrafi/