Pasagjerët e EasyJet kanë mbetur të habitur kur kuptuan se aeroplani i tyre po shoqërohej nga një aeroplan luftarak spanjoll.
Sipas mediave të huaja, përcjell Telegrafi, bëhet fjalë për një ngjarje në të cilën një aeroplan luftarak F18 është parë duke fluturuar afër një A319 që transportonte pushues nga Gatwick (Londër) në Menorca (Spanjë).
EasyJet ka konfirmuar incidentin e pazakontë, duke thënë se kjo ndodhi për shkak të ‘kontrollimeve paraprake të sigurisë’.
Pas kësaj, udhëtarët thuhet se u mbajtën në pistë për katër orë pasi ai u ul me gjysmë ore vonesë në ishujt Balearik spanjoll.
@easyJet #a319 G-EZAO intercepted by Spanish Air Force on way to Menorca. passengers not being allowed to leave yet. @BigJetTVLIVE @BBCNews @SkyNews @SkyNewsBreak pic.twitter.com/MTWkQnU39x
— Ian Leslie (@iandrleslie) July 3, 2022
Siç vë në pah Reuters, aeroplani u shoqërua në destinacionin e tij nga një aeroplan luftarak spanjoll pasi një adoleshent britanik në bord bëri një kërcënim me bombë në mediat sociale.
Rregullat e Agjencisë së Sigurisë së Aviacionit të Bashkimit Evropian (EASA) thonë se aeroplanët luftarakë mund të përgjojnë aeroplanët civilë vetëm si “zgjidhjen e fundit”.
Ndryshe, vënë në pah mediat, aeroplani luftarak F18 është i famshëm për fluturimin e Tom Cruise në Top Gun.
Të aftë për shpejtësi supersonike deri në 1,190 mph, ata kanë aftësinë të mbajnë një sërë armësh duke përfshirë raketa ajër-ajër, raketa kundër anijeve dhe raketa ajër-tokë.
Ata përdoren nga Forcat Ajrore Spanjolle dhe Trupat Detare të SHBA-së, ndër të tjera.
Ndërkohë një zëdhënës i easyJet ka thënë për The Sun: “easyJet mund të konfirmojë se fluturimi EZY8303 nga Londra Gatwick për në Menorca u shoqërua me aeroplan ushtarak gjatë uljes në Menorca dhe zbarkoi me vonesë për shkak të kontrolleve paraprake të sigurisë”. /Telegrafi/