Dhjetëra femra kanë dalur në rrugët e Iranit pa hixhab pasi një video që është publikuar së fundmi në internet, shfaq “dy police të moralit” duke rrahur brutalisht një vajzë të re, e cila nuk e kishte mbulesën mjaftueshëm të madhe sa që t’ia mbulojë flokët.
Videoja e publikuar më poshtë shfaq femrat që sfidojnë ligjet e këtij vendi, që kërkojnë që femrat të mbulojnë flokët në publik, të cilat kanë ecur nëpër qytetet e mëdha siç janë Teherani dhe Shirazi duke ecur pa mbulesa, transmeton Telegrafi.
Disa prej tyre janë sulmuar verbalisht dhe fizikisht nëpër rrugë, derisa dëshmitarë të rastit u kërkonin që t’i mbulojnë flokët. Protesta e organizuar nën sloganin “ecje pa mbulesë”, është shpërndarë në masë të madhe në rrjetet sociale.
Kampanja e tyre është si kundërpërgjigje ndaj sulmit brutal që ndodhi gjatë javës së kaluar ndaj një femre, duke nxitur kështu reagime të ashpra. /Telegrafi/
