Pas trajtimit në spitalin e Pejës, ish-komandanti i UÇK-së Sylejman Selimi është kthyer në burg.
Lajmin për kthimin e Sylejman Selimit në burg e konfirmoi për kallxo.com Sokol Zogaj, drejtor i Shërbimit Korrektues të Kosovës.
“Sylejman Selimi e ka kaluar krizën, është kthy në Burgun e Dubravës”, tha Zogaj.
Po Zogaj e konfirmoi sot se Sylejman Selimi ishte trajtuar në spitalin e Pejës, pasi i ishin paraqitur probleme shëndetësore.
Sylejman Selimi është duke vuajtur dënimin me burgim në Burgun e Dubravës pasi që është shpallur fajtor për krime të kryera gjatë kohës së luftës.
Gjykata e Apelit i kishte bashkuar dënimet për rastet “Drenica 1” dhe “Drenica 2” dhe e kishte dënuar Sylejman Selimin me dënim unik prej 10 vjetësh.