Renata Treneska-Deskoska, ministre e Arsimit, ka paralajmëruar hapa tjerë në drejtim të reformimit të procesit edukativ-arsimor në vend, përcjell Telegrafi Maqedoni.
Hapi i parë tashmë është realizuar dhe ai është shfuqizimi i testimit ekstern, që sipas qeverisjes së tanishme, ishte barrë e rëndë për nxënësit dhe arsimtarët, si edhe harxhime buxhetore.
Deskoska ka paralajmëruar edhe heqjen e programit Cambridge që qeverisja e kaluar vendosi ta zbatojë në sistemin arsimor të shkollimit të mesëm. Ajo deklaroi se kërkohen mekanizma se si të ndalohet ky program deri në fillim të vitit të ardhshëm arsimor, si edhe dotë shqyrtohen mënyra se çfarë të bëhet në ato shkolla ku tashmë ka filluar.
Në diskutimin ”Reformimi i reformave të pasuksesshme” të organizuar nga Instituti Progres, ministresha paralajmëroi edhe uljen e numrit të orëve për shkollat fillore dhe të obligimeve administrative për arsimtarët, respektivisht uljen e lëndëve në shkollat fillore, më pak nxënës në paralele, uljen e orëve të arsimtarëve me stazh më të gjatë, që të jenë mentorë të arsimtarëve më të rinj./Telegrafi/