Ministri në detyrë Blerand Stavileci, ka folur për herë të parë pas sulmit ndaj bashkëshortes së tij, që ndodhi të hënën në lagjen Veternik në Prishtinë.
Vitore Stavileci, bashkëshortja e ministrit nga radhët e PDK-së, u sulmua fizikisht nga dy persona ende të panjohur për Policinë e Kosovës.
Në një postim në Facebook, Blerand Stavileci ka postuar një fotografi me vajzën e tyre duke thënë se asgjë nuk i ndalë dhe së shpejti do të jenë edhe pranë Vitores.
“Dita e parë në shkollë. Asgjë nuk na ndalë. Nuk jemi vetëm. Së shpejti me mamin këtu”- ka shkruar Stavileci në FB.
Rikujtojmë se Partaia Demokratike e Kosovës e ka akuzuar Lëvizjen Vetëvendosjen për këtë sulm. Ndërsa, pas sulmit fizik Vitore Stavileci ka pranuar tretman mjekësor në QKU./Telegrafi/
