Pas më shumë se 50 vitesh, Kansas City triumfon për herë të parë në ‘Super Bowl’ ndaj San Francisco 49ers

Kansas City ka triumfuar ndaj San Franciscos 49 ers në finalen ‘Super Bowl’, e që është fitorja e tyre e parë në 50 vitet e fundit.

Kansas kanë mposhtur skuadrën e 49ers me rezultatin final 20:31, për ta fituar kështu trofeun e çmuar.

Fitorja e Chifes erdhi me një përmbysje spektakolare e cila u udhëhoq nga Patrick Mahomes, që ishte në superformë në këtë ndeshje.

Çerekun e katërt, skuadra nga Kansasi e nisi me minus 10 pikë, por që arritën të përmbysin rezultatin dhe t’i gëzonin tifozët e tyre.

Me këtë të arritur, Chiefs bëhet skuadra e parë në NFL që fiton tri ndeshje pasi kanë qenë në disavantazh prej dhjetë ose më shumë pikëve, në një sezon të vetëm.

Lexo po ashtu ‘Super Bowl’ nderoi Kobe Bryant, vajzën e tij dhe shtatë personat që humbën jetën në aksidentin tragjik me helikopter

Kujtojmë se Super Bowl është një nga ngjarjet më të mëdha sportive në SHBA, dhe Mahomes, heroi i Kansas, është njeriu për të cilin po flitet më së shumti aktualisht.

Lojtarët e të dyja skuadrave po ashtu nderuan edhe legjendën e basketbollit, Kobe Bryant, vajzën e tij dhe shtatë viktimat e tjera që humbën jetën në aksidentin tragjik me helikopter. /Telegrafi/