Dy këngëtarët e njohur të muzikës popullore, Ramadan Krasniqi dhe Faton Isufi kanë publikuar projektin e tyre të përbashkët “SHKO”.
Dyshja e këngëtarëve kanë qenë të ftuar në emisionin “Reload” në RTV Dukagjini, ku kanë treguar detajet e bashkëpunimit për projektin e tyre të përbashkët.
Faton Isufi thotë se bashkëpunimi me Danin ka ekzistuar prej vitesh dhe sipas tij pas publikimit të këngës ka pasur vetëm fjalë të mira nga njerëzit.
“Falendëroj Danin që ka pranuar të jetë pjesë e këtij bashkëpunimi. Bashkëpunimi është bërë në kohën e duhur dhe kur e ka dëgjuar edhe Danit i ka pëlqyer dhe kjo më ka bërë të ndihem mirë”, shprehet Faton Isufi.
Nga ana tjetër Ramadan Krasniqi, ka thënë se është e rëndësishme që në fillim kënga u ka pëlqyer vet artistëve.
“Unë rastësisht e dëgjova këngën pasi që e kishte bërë Fatoni. I thashë “maestro paske bërë këngë tamam me vlera për shtresën e njerëzve që i duan këto këngë”. Ne kemi folur për të bërë një bashkëpunim shumë kohë më parë. Neve na ka pëlqyer shpresojmë edhe publikut do t’i pëlqejë”, deklaroi Dani.
Teksti i këngës është shkruar nga Sefer Isufi, i cili është edhe vëllai i këngëtarit Faton Isufi. Në këngë nuk ka munguar edhe maestro Astrit Stafai me kitarë.
Pas këtij projekti, Dani ka paralajmëruar se të shtunën do të lansojë projektin e tij të ri. Këngëtari i njohur thotë se kënga e re do të jetë ritmike./Telegrafi/
