Pas shkarkimit nga Unitedi, Mourinho u largua nga hoteli ku qëndroi 895 ditë dhe shpenzoi mbi 597 mijë euro

Jose Mourinho i ka thënë lamtumira stafit të hotelit Lowry, pasi u shkarkua nga pozita e trajnerit të Manchester Unitedit ditën e martë.

Strategu portugez ua ka zgjatur dorën punonjësve të hotelit dhe fotografëve, para se të largohej nga vendbanimi ku kishte qëndruar për 895 ditë.

I pyetur se si ishte, 55-vjeçari është përgjigjur shkurt: “Mirë, miku im”, ndërsa në një video të shpërndarë në rrjetet sociale, ai dëgjohet duke u përshëndetur edhe me fotoreporterët.

Lexo po ashtu Unitedi njofton shkarkimin e Mourinhos

Fundi i Mourinhos në Old Trafford erdhi mëngjesin e të martës, ndërsa Djajtë e Kuq i ka drejtuar për dy sezone e gjysmë.

Gjatë kësaj periudhe, klubi ka paguar 537.000 funte (597.090 euro) për qëndrimin e trajnerit në hotelin Lowry, ndërkohë që familja e tij ka mbetur me bazë në Londër.

Vajza e tij, Matilde, në verën që lamë pas diplomoi në Universitetin e Arteve të Londrës, ndërsa djali Jose Jr. ka luajtur për Fulhamin deri në prillin e vitit të kaluar.

Lexo po ashtu Lajmet për UNITEDIN

Ai dështoi ta merrte kontrollin pas një sezoni kaotik me shumë mosmarrëveshje me disa prej lojtarëve të tij, si edhe me dështime të mëdha në rezultate që e kanë lënë Unitedin larg objektivave.

Aktualisht, Djajtë e Kuq mbajnë vendin e gjashtë në tabelë me 19 pikë prapa liderit Liverpool që e mposhti (tashmë ish-) skuadrën e Mourinhos të dielën më rezultat 3-1. /Telegrafi/