Reprezentuesi i Egjiptit, Ahmed Refaat ka vdekur në moshën 31-vjeçare, bëri të ditur klubi i tij Modern Sport, pas një ataku kardiak që pati në mars gjatë një ndeshje në ligën egjiptiane.
Refaat u vendos në një njësi të kujdesit intensiv më 11 mars, pasi u rrëzua në minutën e 88-të të ndeshjes së ligës së Modern Future kundër Al-Ittihad Alexandria.
Sulmuesi, i cili ishte pajisur me një stimulues kardiak, u lirua një muaj më vonë dhe vazhdoi të merrte trajtim.
“Modern Future FC njofton vdekjen e Ahmed Refaat, lojtar i ekipit të parë dhe kombëtar egjiptian, si pasojë e një përkeqësimi serioz të shëndetit të tij”, thuhet në një deklaratë të klubit.
“Ai u transferua në spital pas një udhëtimi të vështirë pas krizës shëndetësore që ndodhi më 11 mars 2024”.
Kapiteni i Egjiptit dhe sulmuesi i Liverpoolit, Mohamed Salah ka nderuar shokun e tij të skuadrës Refaat, i cili luajti 7 herë për kombëtaren dhe shënoi dy gola.
“Zoti të vazhdojë të bekojë familjen e tij dhe të gjithë të dashurit e tij”, shkroi Salah në X. /Telegrafi/
البقاء لله وربنا يصبر أهله وكل حبايبه 💔 pic.twitter.com/lkUBwtplcd
— Mohamed Salah (@MoSalah) July 6, 2024