Këngëtarja e njohur shqiptare, Eli Fara, ka qenë kryelajmi i disa mediave në Shqipëri gjatë këtyre ditëve.
Krejt kjo pasi u tha se ajo ka përfituar në mënyrë të paligjshme nga shteti për katër vite rresht.
Në pretendimet e mediave thuhej se këngëtarja Eli Fara, që nga muaji janar i vitit 2006, e deri në muajin gusht të vitit 2009, është paguar në Ministrinë e Mbrojtjes në pozitën Drejtoreshë për ngrohjen globale, duke shtuar se ajo ka lëvizur disa herë jashtë vendit me pretendimin për ‘udhëtime pune’.
Mirëpo ndaj këtyre pretendimeve, këngëtarja shqiptare ka bërë një reagim të fortë publik në rrjetin social Instagram, duke treguar se si qëdnron e vërteta rreth kësaj çështje.
Ky është postimi i plotë (pa ndërhyrje):
“Zoti me ka bekuar me zerin qe me fali , gjith jeten time ia kam kushtuar artit te kenges! Ndjej neveri te pa fund per njerezit qe abuzojne me jeten e te tjereve duke shpifur pafytyresisht!!!
Ndjej detyrim moral te sqaroj opinionin publik mbi lajmet e rreme nga disa portale keto dite! Nuk di te kem mashtruar apo vjedhur askend kurre ne jeten time! Kam punuar fort dhe jam krenare per rrugen qe kam ndjekur per te perballuar çdo gje me djersen time, jam krenare per edukaten qe me kane dhene prinderit e mi te mrekullueshem larg te keqiave, mashtrimeve, vjedhjeve! Deri tani nuk e kam besuar se ne bote ka njerez kaq te ligj, te paskrupullt dhe abuzive! Perse i ka sjelle zoti ne kete bote? Duke shkruar tani po shoh babain tim 88 vjeçar duke shkulur barishtet e keqia ne oborr, si mendoni do shpetoje nga ato? Zoti e befte mire per te gjithe ne!
Nuk kam firmosur kurre ne asnje bordero si drejtoreshe!!!Nuk di te kem marre ndonjehere rroge si drejtoreshe!!!! Nuk di te kem udhetuar ndonjehere si drejtoreshe!!! Kam udhetuar vetem per koncerte dhe nuk kam pasur nevoje per shoqerues! Kjo eshte e verteta!
Thone qe ne ditet me te veshtira njeh ata qe te duan por edhe ata qe mezi presin te marrin gurin e pare e te te godasin. Per keta te fundit nuk dua te flas me shume, disa prej tyre do te kene perballje ligjore. Ndersa per ata qe u shqetesuan njesoj si une dhe besojne te e verteta ime, dua ti Falenderoj pa fund”, shkruan Eli Fara. /Telegrafi/