Jondia Maliqi solli gjatë ditës së djeshme videon e këngës që do ta përfaqësojë Shqipërinë në Eurovision.
Këngëtarja shqiptare ka fituar gjatë vitit të kaluar në festivalin e RTSH-së me këngën “Ktheju tokës”.
Pas publikimit të këtij projekti, zeshkania ka falënderuar fansat për dashurinë e madhe që po i japin dhe ka folur për tematikën e këngës.
“Emigracioni nuk ka vetëm ngjyrat e vendit tim. Sot ai është një problem botëror. Unë e kam provuar në lëkurën time çdo të thotë të mos kesh pjesëtarët e familjes nën të njëjtën shtëpi, shtet”, ka shkruar fillimisht ajo në llogarinë personale në Instagram.
“Thirrja ime është thirrje shpirti, e të gjithëve për të qenë bashkë, të lumtur, të rrethuar nga dashuria! Shumë prej jush më kanë shkruar dhe e kanë ndjerë këtë këngë në çdo notë, disa të tjerë kanë kuptuar dhimbjen edhe nga xhirimet e videoklipit. Jam e lumtur që e doni ‘Ktheju tokës’ ashtu si unë”, ka pohuar Maliqi.
Këngëtarja jonë pritet të këndojë në pjesën e dytë të natës së dytë gjysmëfinale, në datën 16 maj në shtetin e izraelit.
Ndryshe, Netta Barzilai kujtojmë se është fituesja e vitit të kaluar me këngën “Toy”, e cila ishte përfol shumë për paraqitjen skenike. /Telegrafi/