Sergio Busquets dhe Sergi Roberto thuhet se janë pajtuar për uljen e pagës së tyre pasi Barcelona vazhdon të vuajë nga probleme serioze financiare.
Është dokumentuar mirë muajt e fundit se gjigantët katalunas janë duke vuajtur financiarisht me një borxh marramendës prej 1.35 miliardë eurosh, i cili ka kontribuar në largimin e lojtarit më të madh të klubit, Lionel Messi.
Javën e kaluar, u raportua se Gerard Pique kishte zgjedhur të pranonte një ulje të konsiderueshme për të lehtësuar disa nga problemet e Barcelonës dhe për të ndihmuar në regjistrimin e transferimeve të reja si Memphis Depay, Eric Garcia dhe Sergio Aguero.
Sipas raporteve, Busquets dhe Roberto kanë ndjekur hapat e Piques dhe Jordi Alba thuhet se jetë i vendosur për të bërë të njëjtën gjë.
Kur presidenti i klubit Joan Laporta po diskutonte problemet e klubit në fillim të këtij muaji, ai dha një ide se çfarë mund t’u kërkohet disa lojtarëve të bëjnë për të ndihmuar situatën.
“Lojtarët kanë një pagë fikse dhe shpërblime për performancat dhe trofetë. Disa si Pique kanë rënë dakord për ulje”.
“Të tjerët po mendojnë për një shtyrje ose ulje të shpërblimeve të tyre. Ne po kërkojmë zgjidhje, për të ristrukturuar të gjithë, të gjithë skuadrën”, ka thënë Laporta. /Telegrafi/