Pas një zënke të ashpër në përfundimin e pjesës së parë – Lloris dhe Son e mbyllën me një përqafim takimin ndaj Evertonit

Tottenham Hotspuri ka fituar 1-0 ndaj Evertonit në kuadër të javës së 33-të në Ligën Premier.

Spurs kaluan në epërsi fal auto-golit të shënuar nga Michael Keane në minutën e 24-të, por që spektaklin e këtij takimi e vodhi përplasja e Hugo Lloris me Heung-Min Son.

Portieri francez dhe sulmuesi koreano-jugor kishin një përplasje verbale, derisa po shkonin në pushimin e pjesës së parë.

Lexo po ashtu Eskalon situata te Tottenhami - Lloris dhe Son përplasen mes vete në pushimin e pjesës së parë

Lojtarët e Tottenhamit u dash që të ndërhynin mes tyre, në mënyrë që të mos eskalonte situata, pasi Lloris dukej tejet i nervozuar në Son.

Për arsyeja ende të pa zbuluara, zënka mes dy bashkëlojtarëve mund të shkonte edhe në përleshje fizike, mirëpo gjakrat u ftohën në fillimin e pjesës së dytë.

Son dhe Lloris dukeshin të buzëqeshur në tunel, gjersa ky i fundit i dha një përqafim bashkëlojtarit të tij.

Kur takimi përfundoi, koreano-jugori shkoi të përqafonte francezin dhe duket se zënka e tyre ka kaluar. /Telegrafi/