Arbër Zeneli është rikthyer në skuadrën e parë të Reims, pas lëndimit që e pësoi në vitin e kaluar.
Sulmuesi anësor kishte munguar për një kohë të gjatë te skuadra franceze, mirëpo është rikthyer të luajë për ta në barazimin 1-1 ndaj Monacos.
Lojtari i Përfaqësueses së Kosovës ka luajtur edhe gjatë javës së kaluar, por me skuadrën e dytë të Reims.
Në këtë përballje që u zhvillua në javën e 27-të në Ligue 1, Arbëri kishte në dispozicion vetëm pesë minuta.
Ai u inkuadrua në minutën e 85-të te Reims, duke e zëvendësuar Tristan Dingome.
Rikthimi i Arbërit është i rëndësishëm edhe për Kosovën, para ndeshjes me Maqedoninë Veriore, që zhvillohet në mars.
Zeneli lëndimin e kishte pësuar në ndeshjen që Kosova luante kundër Malit të Zi në vitin e shkuar. /Telegrafi/
86′ 🔄 Le crack is back ! #Zeneli remplace @TristanDingome pour ce money-time 💪#ASMSDR (1-1)
— Stade de Reims (@StadeDeReims) February 29, 2020