Ajo u nda nga Ashley Benson në prill pas gati dy vitesh lidhje.
Dhe tani Cara Delevingne thuhet se ka ‘bërë një lëvizje’ në jetën personale pasi po flitet për një lidhje me sensacionin e muzikës pop, Halsey.
Dhe nga ana tjetër, ish- e dashura e saj, Ashley 30 vjeçare ka filluar takimet me reperin amerikan G-Eazy pas ndarjes së tyre.
Ky i fundit thuhet se ishte më parë në një lidhje dashurie me partneren tashmë të Caras, Halsey, 25 vjeçare, derisa u ndanë në 2018.
Sipas The Sun, Cara – e cila aktualisht jeton në Los Anxhelos – ka qenë duke shijuar një romancë të re me Halsey pak muaj pas ndarjes nga Benson.
Krijuesja e hitit “Without Me” më parë kishte dalë me G-Eazy, 31 vjeçar, por ata u ndanë pas spekulimeve se ai e kishte tradhtuar atë, dhe çifti kanë vazhduar të ‘ngacmojnë’ njëri-tjetrin përmes projekteve muzikore.
Gerald Earl Gillum (emri i vërtetë i G-Eazy) ishte lidhur më parë me Yasmin Wijnaldum dhe Megan Thee Stallion para se të shfaqej me Ashley.
Ashley Nicolette Frangipane (emri i vërtetë i Halsey), e cila flet vazhdimisht për orientimin e saj seksual, ishte e lidhur edhe me këngëtarin Yungblud dhe aktorin Evan Peters.
Tani, Halsey dhe aktorja britanike Cara thuhet se janë afruar gjatë pandemisë së coronavirusit pasi të dy vajzat jetojnë në Kaliforni. /Telegrafi/
