Demi Lovato është “zgjuar dhe gjendet pranë familjen së saj”, kështu i ka thënë një familjar revistës “The Hollywood Reporter”.
Këngëtarja amerikane ishte dërguar nxitimthi në një spital të Los Angelesit pas konsumimit të tepërt të substancave narkotike.
TMZ raportoi se ylli 25-vjeçar u gjet e pavetëdijshëm në shtëpinë e saj që është në Hollywood.
“Demi është zgjuar dhe gjendet pranë familjes, të cilët duan të shprehin falënderimet për të gjithë dashurinë, lutjet dhe mbështetjen. Disa informata që raportohen janë të pasakta dhe kërkojmë të respektohet privatësia dhe të mos ketë spekulime rreth shëndetit ndërsa shërimi është gjëja më e rëndësishme”, tha një familjar për mediat amerikane.
Për vite me radhë ajo ka folur hapur për betejat e saj me varësinë, sëmundjen mendore dhe ushqimin e çrregullt,
Në qershor, Lovato kishte braktisur terapitë mjekësore, në të cilat ishte shtruar për tu larguar nga varësisë e drogës dhe alkoolit.
Ndryshe, gjatë vitit të kaluar është dhënë premiera e filmit dokumentar rreth këngëtares – “Demi Lovato: Simply Complicated”. /Telegrafi/
