“Pse të dua shumë” është projekti më i ri që e ka lansuar këngëtari i njohur, Sadik Krasniqi, i cili prej shumë vitesh qëndron në skenën muzikore duke publikuar këngë live e duke performuar në evente të ndryshme muzikore, madje edhe në ahengje familjare, ku është shumë i kërkuar.
Melosi i pastër shqip ka bërë që Sadiku më së shumti të kultivojë këngët e pastra shqipe duke i përpunuar ato e duke i sjellë në një version akoma më modern.
Planet e tij janë të shumta duke mos u ndalur për këtë vit me publikimin vetëm të këtij projekti, gjatë verës do jetë shumë i angazhuar me koncerte e mbrëmje muzikore gjithandej ku jetojnë shqiptarët përfshirë këtu edhe ahengjet familjare që zgjedhin pikërisht Sadikun për t’i argëtuar, ndërsa deri në publikimin e projekteve të reja, ju mund të shijoni këngën “Pse të dua shumë”.
Sadiku jeton në Suedi por gjatë sezonit veror, ai kthehet në vendlindje për të pushuar dhe për t’i argëtuar shqiptarët me muzikën e tij. /Telegrafi/
