Kroacia ka shënuar fitore të papritur kundër Argjentinës me rezultat të pastër 3-0 në kuadër të grupit D të kampionatit botëror të futbollit.
Por, kjo si duket e gëzuar tejet mase portierin legjendar danez, Peter Schmeichel, i cili është i kënaqur me fitoren kroatëve.
“Horror? Nuk pajtohem. Nga perspektiva Argjentinës, po, është një film horror, por pse duhet të kemi kujdes për Argjentinën?! Ne duhet të përgëzojmë Kroacinë për çdo gjë që ka bërë”, tha ai.
Kroacia tashmë ka siguruar kalimin në fazën pas grupore të Kupës së Botës me dy fitore dhe kundër Islandës në raundin e fundit do të luajë pa presion.
Ai ka folur edhe për një ndër lojtarët më të mirë në botë, duke e fajësuar për dështimin e argjentinasve.
“Messi nuk bëri asgjë, nuk u duk në fushë, ai është lojtar i madh. Ai nuk u duk edhe kundër Islandës. Kështu ndodh kur e ndërton një ekip rreth Mesit dhe ai nuk bënë asgjë”, tha danezi.
Theksojmë se në rast se islandezët triumfojnë kundër Nigerisë, atëherë gjasat janë minimale për kualifikimin më tutje të Argjentinës, pasi që Islanda arrin shifrat e katër pikëve ndërsa Argjentina ka një sosh.
Kujtojmë se dueli mes Argjentinës dhe Nigerisë do të zhvillohet të martën (26 qershor) me fillim në ora 20:00 në Shën Petersburg. /Telegrafi/