Prishtina e ka mposhtur në udhëtim Llapin me rezultat 2-0 në kuadër të javës së 14-të në Superligën e Kosovës.
Trajneri i bardheklatërve, Zekirija Ramadani është shprehur mjaftë i kënaqur me fitoren e skuadrës së tij, mirëpo ka vlerësuar edhe lojën e llapjanëve.
“Më vjen mirë që fituam sot, kishim posedimin, kontrollin e lojës, qetësia që duhet ta kemi gjithmonë. Ishim të kujdesshëm”, ka thënë strategu i Prishtinës për ‘ArtSport’.
“Llapi ka skuadër cilësore, pjesën e dytë shfrytëzuam rastet tona dhe realizuam golin e qetësisë. Me këtë fitore jo që kemi bë ndonjë gjë shumë të madhe, por është objektiv i ekipit në çdo ndeshje tre pikë”.
“Kjo fitore të kthen vetëbesimin. Ndeshjet tjera do të tregojnë nëse jemi rikthyer në binarë”, ka shtuar më tej Ramadani. /Telegrafi/