Real Madridi ka fituar të dilenë mbrëma derbin lokal ndaj Atletico Madridit me rezultat 2-0 në kuadër të La Ligës.
Los Blancos ishin fantastik në të gjitha repartet, duke marrë fitore komode ndaj skuadrës prej të njëjtit qytet.
Pas ndeshjes, Carlo Ancelotti ka analizuar ndeshjen dhe ka pranuar se ata janë favoritë për ta fituar ligën, mirëpo duhet të jenë të fokusuar.
“Favorit për La Liga? Po vendosni presion te unë. Sot jemi favoritët, kjo është e sigurt. Kemi bërë më mirë se tjerët. Por, jemi të fokusuar në ndeshje sepse nëse na humb mentaliteti, atëherë do na kushtojë. Duhet të vazhdojmë kështu”, ka thënë fillimisht strategu italian.
“Shorti i LK? Nuk e di çfarë do ndodh në Ligën e Kampionëve, do jemi garues deri në fund, nuk kam dyshime. Do vazhdojmë të luftojmë në të gjitha garat që kemi”.
“Vinicius Junior? Vini është duke u përmirësuar vetë. Nuk flas shumë, ngase nuk kam çfarë të them për të. Çfarë mund të them është se është efektivë, që nuk driblon sa për shfaqje, thjeshtë bënë gjëra për të ndihmuar skuadrën”, ka shtuar më tej Ancelotti.
Pas javës së 17-të Real Madridi vazhdon të jetë lider me 42 pikë, ndërsa Atletico është në të katërtin me 29 sosh.
Në xhiron e 18-të, Reali do të përballet me Cadizin, ndërsa Atletico do të ketë punë me Sevillën. /Telegrafi/