Ballkani ka fituar 2-1 përballë Arbërisë në kuadër të javës së 15-të në Superligën e Kosovës.
Trajneri i portokallinjve, Ismet Munishi është shprehur shumë i lumtur me këtë fitore, derisa ka parashikuar edhe skuadrat që tentojnë të dalin në Evropë për edicionin e ardhshëm.
“Me thënë të drejtën sot Arbëria bëri paraqitje të mirë, jo vetëm në pjesën e dytë, por edhe në të parën u pa që na kishin studiuar mirë dhe komplimente për lojën atyre”, ka thënë strategu i Ballkanit për ‘ArtSport’.
“Nuk i la faj skuadrës time, por kundërshtarëve që luajtën mirë”.
“Jo, ne jemi 4 skuadra që do luftojmë për Evropën, jemi ne, Drita, Gjilani dhe Prishtina, çdo gjë është e hapur, kampionati është ende i gjatë”, përfundoi Munishi. /Telegrafi/